Aqeeqa :
SHARAI istilah main aqeeqa k meaning yeh hain k bacha peida honey per ALLAH ka shuker adda kerny ki niyat sey jo janwer zibah kia jata hai esko aqeeqa kehty hain.(Bahar-e-Shariat, Hissa:15, Page:153)
Aqeeqa kerna SUNNAT-e-mustahiba hai, Farz yan WAJIB nahi hai, ager koi nahi kerta hai tou gunahgar nahi hoga.Riwayaat main aata hai k ager walidain k paas aqeeqa kerny ki istita'at thi laikin phir bhi unhon ney nahi kia, tou aqeeqa na kia hua bacha apny walidain ki shifa'at nahi kary ga.(Sanan Tirimzi, V:3, Page:177)
Behter yeh hai k lerka ho tou 2 bakrey diay jaian aur lerki ho tou aik bakra, laikin ager koi ziada ki istita'at nahi rukhta hai tou lerka honey per bhi aik he bakra aqeeqa main dey sakta hai.Aqeeqey ka goosht koi bhi kha sakta hai, yeh jo mashoor hai k dada dadi nahi kha sakty eski koi sharai daleel nahi. Aqeeqa kis waqt kia jai:Behter yeh hai k pedaish k 7th day aqeeqa kia jai, ager kisi ney es sey pehly ker dia tou bhi SUNNAT adda ho jai gi, aur ager 7th day nahi kia tou behter yeh hai k aaney waly waqt main 7th day k multiple ka hisaab rukh lia jai, jesy bacha thursday ko peda hua, tou ab es k zindagi main aaney waly wednersdey ko 7th day banta hai, lehaza ab kabhi bhi wednersday ko eska aqeeqa ker dia jai, yeh bhi sahi tareeka hai, albata es ka hisaab rukhna bhi zaroori nahi, umer k kisi bhi hissy main kisi bhi din aqeeqa kia tou sunnat adda ho jai gi.
جزاك الله خيرا
No comments:
Post a Comment